يـمـــــــــه..؟؟!!

يمــه.. منتــهي جيتـــك وطالب منــك الغفران
أقــــبل قــــاعــة أقدامــــــك واغـــسلـــها بــــدمعــاتي

يـــا يمه..... كـــل مــا فينــي يناديلك أنا ندمان
طلبتــــك..... قــولي سامحتك وردي لوجهي بسامتي

أنا أدري قلبك الطيب كسرته بصدمة النكران
غلطـــــت..... وغــــلطتـــي هــذي تغير كل غلطاتـي

تشوفــي الشيب يا يمه ترى ماجا وأنا فرحان
وربــــي إلي رفـــع ذاتــــك ونـــزل للـــردى ذاتـــي

فقـدت الراحه من بعدك..فقدت الطيبه والتحنان
بـــدونك .. راحتـــي غـــاية بدينــك هــــذي راحــاتي

أنا بعدك ولا حاجه أنا بعدك ترى عميـــان
أشـــوف....... ولا أشــوف إلي يوريني مساواتـــــي

أنا وسيــد الشقـــى والهـــم من بعدج غدينـــا أخــــوان
يجـــــيب همــــــوم هـالعـــالم..... ويرميها بمتاهاتي

صــــدقتي..... يوم قلتيلي تدين اليوم بس تندان
رميتـــــك فـــي بدايـــــاتي..... ورمـــوني في نهاياتي

أنا مـن شــالك بيـــده ورماك بــأسفل البـــركــــان
نخيتينـــــي....وطلبتينــــي....ولا حصلتــــي نخواتـــي

مثل ماهنتي بعيوني......عليهــم يمه قلبي هان
رمــــوني وضعتهـــم فزعه .. وأنا الدمعـات فزعـــاتي

يــــا يمه لاتظنــي أنــا مــن فعلهـــم زعــلان ؟
ســــــــوات فيــــــك ســــــويته وســوو فينـــي سواتي

يا يمه.... يالله ضمينــي ودفيني بهــا لأحضان
أنــــا أدري فيـــك مشتــــاقه....وهمــــك بس ملاقاتي

يـا يمه ( حييييل ) ضميني أبي أرتاح أنا تعبان
تعبـــت أهــــرب مـن ذنوبـي أبيــك آخـــر مسـافـاتــي

أبسمــــع منـــك كلمـــه... لصوتك مسمعي ولهان
أبسمــــع ( يمـه ) بصـــوتك أبـــذكر فيهـــــا نشواتــي

أشوفك ساكنه يمه ؟ !! .. غفيتي ولا أنا غلطان ؟
غفيتــــي يــا بعـد عمري ؟.. تعبتــي مــن مواساتي ؟

يــا يمـه طالبك قومي .. إذا لي في عيونك شان
أشـــوف المــــوت بعيــــونك عســـاها تخيب هقواتي

تعـــالوا يا بشـــر شــوفوا أنا محتار أنا تلفان
أنــا أمــي مـــدري وش فيهــا أنــا مــدري أنــا أحـاتي

شنو ؟؟ أمــي أنا ماتت ّ!!! لا لا .. لاترى غلطان
أنـــا أمــــي مــا تخلينـــي علـــى حـــزنـــي و ونــاتـي

أنــا أمـــي قلبهـــا طيــب ولا يمكــن تبكي إنسان
أنـــا أمـــــي مـــا تبكــينــي.... ولا تتمنـــى آهـــاتــــــــي

يا يمه صح مامتي ؟...... وصح الموت تو ماحان ؟
إذا متــــي أنــــا بعـــــدك أبقضـــي ويـــن ســاعـــــاتــــي

يــا يمـه قـــومـــي.... وقـــولـــي الموت لا ماكان
أنـــــا جيتــــك وأنـــا نــــاوي أببـــدي فيــــــك جنــــــاتــي

تـــــركتينــــي ومتـــــى وليـــه وأنــــا غـــرقــان ؟
ولا مسمــــــــوح يــــــا وليــــــدي !!!!.. ولاتلعنك لعناتي

أنا الجاني... وأنا المجني.. وأنا المخطي..وأنا الندمان
وأنــــا بــــإيدي رميتــــك إيــه... وبعثـــرت أهـم ملفـاتـي

وجيـت مـن الهنــا مفــلس... وقلبي من الضنا خسران
تـــــركتينــــي علـــــى نـــاري أعــــدد فيـــــك زلاتــــــــــي

ولانـــــي مـرضي ربــي... ولانـي تابـع الشيطــان
أنـــا بعــــدك تـــــــرى مـــــا بين نهـايـاتـي وبــدايــاتــــــي

يــا يمـه منتهـــي جيتـــك وكلـــي مــــرتجي غفران
وشفـــــت النــــاس تلعنــــي... وتحــذرنـي مــن الاتي .. !!

★ حــــــلــم ★ 

جاني وانا في وسط ربعي وناسـي       جاني نشلني مثل ما ينشـل النـاس

مني نشـل روح تشيـل  المآسـي  تشكي من ايام الشقى تشكي اليـاس

اثر الالم في سكره المـوت قاسـي  ماهالني مثله وانا انسـان حسـاس

جابوا كفن ابيض مقاسـه مقاسـي    ولفوا به الجسم المحنط مع الـراس

وشالوني اربع بالنعـش ومتواسـي   عليه ومغطى على جسمـي البـاس

وصلوا علي وكلهـم فـي  مآسـي       ربعي ومعهم ناس من كل  الاجناس

ياكيف سـوا عقبنـا تـاج راسـي      وامي الحبيبه وش سوى بها اليـاس

اسمع صدى صوت يهز الرواسـي    قولو لهـا لاتلطـم الخـد  يانـاس

قولولها حـق وتجرعـت  كاسـي     لا تحترق كل يبي يجـرع  الكـاس

اصبحت في قبري ولابـه مواسـي       واسمع قريع نعولهم يـوم  تنـداس

من يوم قفوا حـل موثـق لباسـي  وعلى رد الروح صوت  بالاجراس

هيكل غريب وقـال ليـه التناسـي    صوته رهيب وخلفه اثنين حـراس

وقف وقال ان كنت يانمـر ناسـي    هاذي هي اعمالـك تقـدم بكـراس

ومن هول ماشفته وقف شعر راسي      وانهارت اعصابي ولا ارد الانفـاس

وفزيت من نومي على صوت ناسي اصرخ واقول الموت وأحذّر الناس

تحياتي

8 مــــلاك الــــروح 8